Навоий вилояти Кармана туманлараро судининг бир қатор ижро варақаларига асосан МИБ ходимлари томонидан ижро ҳаракатлари амалга оширилди. Бу ҳақда ЎзА хабар бермоқда.
Жумладан, «Электрокимёзавод» АЖдан 670 нафар ишчи ходимнинг иш ҳақини ундириш белгиланган. Ушбу вазифани амалга ошириш доирасида МИБ Навоий шаҳар бўлими ходимлари томонидан ижро ҳаракатлари амалга оширилган.
Ижро варақасига асосан, қарздор ташкилотга тегишли жами 450 миллион сўмлик 1 та Captiva, 1 та Lacetti ва 3 та Nexia русумли автотранспорт воситалари қидирув натижасида топилган.
Жамиятга тегишли 5 та автотранспорт воситаси Э-аукцион орқали сотилиб, 670 нафар фуқаронинг бузилган ҳуқуқлари тикланиши таъминланган.
Изоҳ (0)