Бухоро вилояти божхона бошқармаси томонидан «Олот» чегара божхона постида Ўзбекистонга божхона декларациясида кўрсатилмаган 3600 килограмм мандаринни олиб киришга уриниш ҳолати аниқланди. Бу ҳақда Давлат божхона қўмитаси ахборот хизмати хабар бермоқда
Маълум қилинишича, қўшни мамлакатдан Ўзбекистонга кириб келган фуқаролар Я.Ж, М.А бошқарувидаги Volvo ҳамда фуқаро Ш.Ж. бошқарувидаги MAN юк автомашиналари белгиланган тартибда божхона кўригидан ўтказилди.
Натижада ушбу автоуловлар юкхонасида декларацияда кўрсатилганидан ортиқча умумий қиймати 36 миллион сўмлик 3600 килограмм мандарин мевалари борлиги маълум бўлди.
Ҳозирда ушбу ҳолатлар юзасидан божхона органлари томонидан суриштирув ҳаракатлари давом эттирилмоқда.
Изоҳ (0)