Ўзбекистон бош вазирининг инвестициялар ва ташқи иқтисодий алоқалар масалалари бўйича ўринбосари Элёр Ғаниевнинг маълум қилишича, Тошкент—Самарқанд пулли автотрассасини қуриш ишларининг бошланмаётганига инвестор томонидан талаб қилинаётган қиммат йўл ҳақи сабаб бўлмоқда. Бу ҳақда «Gazeta.uz» хабар берди.
Мавзуга доир: Туркиялик инвесторлар Тошкентдан Самарқандгача янги магистрал қуради: йўл 2 соат вақт олади
2018 йилнинг июль ойида Ўзбекистон Президентининг қарори билан мамлакатдаги биринчи пулли автомобиль йўлларини қуришни Германиянинг GP Günter компаниясига топшириш режалаштирилган. Пулли автотрассалар мавжуд шаҳарлараро йўлларга альтернатив бўлиши кераклиги белгиланган. Ҳужжатда лойиҳаларни амалга оширишнинг аниқ муддатлари кўрсатилмаган. Фақат 500 миллион доллар миқдоридаги жалб қилинадиган тўғридан-тўғри хорижий инвестициялар кўсатиб ўтилган.
Мавзуга доир: Ўзбекистондаги илк пулли йўллар қурилишини Германиянинг GP Günter Papenburg компаниясига топширишмоқчи
Элёр Ғаниевнинг маълум қилишича, Тошкент—Самарқанд пулли автотрассасини қуриш бўйича музокаралар давом этмоқда, бироқ Ўзбекистон инвестор томонидан таклиф қилинаётган йўл ҳақига рози бўла олмайди. Турк компаниялари консорсиуми йўлдан фойдаланиш учун жуда юқори нарх ўрнатишни истамоқда.
Изоҳ (0)