Ички ишлар органларига кадрларни танлаш, уларнинг захирасини шакллантириш, ходимлар ўртасида хизмат интизоми ва қонунийликни таъминлашга қаратилган қўшимча чора-тадбирлар бўйича вазирлик таркибий ва ҳудудий органлари кадрлар хизмати раҳбарлари учун семинар-тренинг ташкил этилди. Бу ҳақда Ички ишлар вазирлиги ахборот хизмати «Дарё»га маълум қилди.
Маълум қилинишича, иштирокчилар 4 декабрь куни Тошкент шаҳар ИИББ Ички ишлар органларига хизматга қабул қилиш маркази фаолияти билан яқиндан танишди. Уларга ички ишлар органлари (таълим муассасалари)га номзодларни қабул қилиш ва уларнинг ҳужжатларини расмийлаштириш жараёнлари кўргазмаси намойиш этилди. Шунингдек, номзодлар билан дастлабки суҳбат, психологик ўрганиш, уларнинг умумжисмоний тайёргарлик даражасини баҳолаш ҳамда якуний суҳбат жараёнлари бўйича батафсил маълумот берилди.
Шундан сўнг семинар-тренингда ички ишлар органлари кадрлар хизмати фаолиятига доир қатор долзарб мавзуларда маърузалар қилинди. Мавзулар юзасидан фикр-мулоҳазалар тингланиб, тегишли таклифлар билдирилди.
Изоҳ (0)