Ўзбекистон мудофаасига кўмаклашувчи «Ватанпарвар» ташкилоти тасарруфидаги Наманган шаҳар ўқув-спорт техника клуби мототрассасида «Мотоцикл пойгаси» спорт тури бўйича вилоят ҳокими кубоги мусобақасининг финал босқичи бўлиб ўтди. Бу ҳақда «Ватанпарвар» ташкилоти матбуот хизмати «Дарё»га маълум қилди.
Мусобақада 7 ёшдан 60 ёшгача бўлган жами 56 нафар спортчи 11 жамоа таркибида иштирок этди.
Умумжамоа ҳисобида Мингбулоқ тумани ўсмирлар спорт техника клуби жамоаси ғолиб бўлди. Иккинчи ўринни Норин тумани ўсмирлар спорт техника клуби жамоаси, учинчи ўринни Поп тумани ўсмирлар спорт техника клуби мотопойгачилари эгаллади.
Ғолиб ва совриндорлар ташкилотчилар томонидан фахрий ёрлиқ ва эсдалик совғалари билан тақдирланди.
Изоҳ (0)