O‘zbekiston mudofaasiga ko‘maklashuvchi “Vatanparvar” tashkiloti tasarrufidagi Namangan shahar o‘quv-sport texnika klubi mototrassasida “Mototsikl poygasi” sport turi bo‘yicha viloyat hokimi kubogi musobaqasining final bosqichi bo‘lib o‘tdi. Bu haqda “Vatanparvar” tashkiloti matbuot xizmati “Daryo”ga ma’lum qildi.
Musobaqada 7 yoshdan 60 yoshgacha bo‘lgan jami 56 nafar sportchi 11 jamoa tarkibida ishtirok etdi.
Umumjamoa hisobida Mingbuloq tumani o‘smirlar sport texnika klubi jamoasi g‘olib bo‘ldi. Ikkinchi o‘rinni Norin tumani o‘smirlar sport texnika klubi jamoasi, uchinchi o‘rinni Pop tumani o‘smirlar sport texnika klubi motopoygachilari egalladi.
G‘olib va sovrindorlar tashkilotchilar tomonidan faxriy yorliq va esdalik sovg‘alari bilan taqdirlandi.
Izoh (0)