Ижтимоий тармоқларда 2 декабрь куни Tashkent City халқаро ишбилармонлик маркази ҳудудидаги Халқаро конгресс-холлнинг томи қулагани ҳақида хабарлар тарқалди.
Фото: Президент матбуот хизмати
Тошкент шаҳар ҳокимлиги матбуот хизматидан «Дарё»га маълум қилишларича, конгресс-холл томи қулагани ҳақидаги хабарлар ҳақиқатга тўғри келмайди.
«Чироқ усталари иш олиб бораётган вақтда шифт люкларидан бири жойидан чиқиб кетган. Уни шу куннинг ўзидаёқ қайта жойига ўрнатиб қўйишди. Ҳеч қандай том қуламаган», — деди ҳокимлик вакили.
Эслатиб ўтамиз, Tashkent City’даги Халқаро конгресс-холл 2019 йил октябрь ойи бошида қуриб битказилган эди. 21 октябрь куни бинода Ўзбек тили байрамига бағишланган асосий тадбирлар ўтказилган.
