Хоразм вилояти божхона бошқармаси «Шовот» чегара божхона постига қўшни мамлакатдан кириб келаётган шахс бош кийимида кумуш тақинчоқларни яшириб олиб кирмоқчи бўлгани фош этилди. Бу ҳақда Давлат божхона қўмитаси ахборот хизмати хабар бермоқда.
Хабарга кўра, фуқаро Т.М. белгиланган тартибда божхона кўригидан ўтказилган.
Натижада ушбу шахс бош кийимининг икки ён томонига оғирлиги 97,40 грамм бўлган аёллар кумуш тақинчоқларини яшириб олганлиги аниқланди.
Ҳозирда юқоридаги ҳолат юзасидан божхона органлари томонидан суриштирув ҳаракатлари давом эттирилмоқда.
Маълумот учун, амалдаги тартибларга кўра, жисмоний шахслар 65 граммгача оғирликдаги қимматбаҳо металл ва қимматбаҳо тошлардан ясалган заргарлик буюмларини Ўзбекистон ҳудудига божхона божисиз олиб кириши мумкин.
Изоҳ (0)