Футбол бўйича Англия Премьер лигасининг 14-тури доирасида 1 декабрь, якшанба куни 4 та учрашув якунланди.
Фредрик Юнгберг қўл остига ўтган Лондоннинг «Арсенал» клуби меҳмонда «Норвич»га қарши майдонга тушди.
Беллашув давомида мезбон жамоа аъзолари Теему Пукки (21) ва Тодд Кэнтуэлл (45) Бренд Лено қўриқлаётган дарвозани ишғол қилган бўлса, «тўпчилар»дан Пьер-Эмерик Обамеянг (29 — пенальти, 57) дублга эришди.
Натижада «Арсенал» сафарда кечган баҳсда «Норвич» билан 2:2 ҳисобида дуранг натижа қайд этди ва томонлар бир очкодан бўлишиб олди.
Маълумот учун, «Арсенал» 19 очко жамғарган ҳолда мусобақа жадвалида 8-ўринда бормоқда. «Норвич» эса 11 очко билан 19-ўринни эгаллаб турибди.
Шу куни Оле-Гуннар Сульшер бошлиқ «Манчестер Юнайтед» эса «Олд Траффорд»да «Астон Вилла»ни қабул қилди.
Ўйиннинг 11-дақиқасида меҳмон жамоа ярим ҳимоячиси Жек Грилиш ҳисобни очган бўлса, 42-дақиқага келиб «Астон Вилла» дарвозабони Том Хитон автогол муаллифига айланди (1:1). 64-дақиқада эса Виктор Линдельоф «қизил иблислар»ни ҳисобда олдинга олиб чиқди (2:1). Орадан 2 дақиқа ўтиб бирминген клуби ҳимоячиси Тайрон Мингз ҳисобни тенглаштирди (2:2).
Шу тариқа «Юнайтед» ўз майдонида «Астон Вилла» билан дуранг ўйнади ва бир очкони қўлга киритди.
Ушбу турдан сўнг «Манчестер Юнайтед» очколари сонини 18 тага етказди ва мусобақа жадвалида 9-ўринда бормоқда. «Астон Вилла» эса 15 очко билан 15-ўриндан жой олди.
14-турдан сўнг мусобақа жадвалидаги ҳолат:
АПЛ
14-тур баҳслари
1 декабрь, якшанба
«Норвич»—«Арсенал» 2:2
Голлар: 1:0 — 21 Пукки, 1:1 — 29, пенальти Обамеянг, 2:1 — 45 Кэнтуэлл, 2:2 — 57 Обамеянг«Вулверҳэмптон»—«Шеффилд Юнайтед» 1:1
Голлар: 0:1 — 2 Муссе, 1:1 — 64 Доэрти«Лестер»—«Эвертон» 2:1
Голлар: 0:1 — 23 Ришарлисон, 1:1 — 68 Варди, 2:1 — 90 Ихеаначо«Манчестер Юнайтед»—«Астон Вилла» 2:2
Голлар: 0:1 — 11 Грилиш, 1:1 — 42, автогол, Хитон 2:1 — 64 Линдельоф, 2:2 — 66 МингзЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)