Тошкент вилоятиниг Ўрта Чирчиқ туманида қурилиш корхонаси томонидан мактабни таъмирлаш учун ажратилган бюджет маблағлари талон-торож қилинди. Бу ҳақда «Дарё»га Бош прокуратура матбуот хизмати хабар берди.
Департаментнинг Ўрта Чирчиқ туман бўлими томонидан ўтказилган терговга қадар текширувда тумандаги 42-сонли мактабда капитал таъмирлаш ишларини амалга оширган «Х» МЧЖ мансабдор шахслари ва бошқалар ноқонуний даромад орттириш мақсадида 241 миллион 900 минг сўмлик таъмирлаш ишларини амалда бажармасдан ҳужжатларга сохта маълумотлар киритиб, бюджет маблағларини ўзлаштириш йўли билан талон-торож қилгани аниқланган.
Мазкур ҳолат юзасидан «Х» МЧЖ мансабдор шахслари ва бошқаларга нисбатан Жиноят кодексининг тегишли моддалари билан жиноят иши қўзғатилиб, тергов ҳаракатлари ўтказилмоқда.
Изоҳ (0)