Ҳукуматнинг «Цемент ишлаб чиқариш корхоналари фаолияти устидан экологик назоратни кучайтириш тўғрисида»ги қарори лойиҳаси жамоатчилик муҳокамаси учун эълон қилинди.
Унга кўра, барча цемент ишлаб чиқариш корхоналарига 2022 йил 1 январга қадар атмосфера ҳавосини ифлослантириш манбаларида намуналарни олиш ва таҳлил қилиш бўйича автоматик станциялар, шунингдек, уларга туташ ҳудудларда стационар кузатиш пунктлари ўрнатилади. Улар цемент заводлари маблағлари ҳисобидан ўрнатилади.
Мазкур талаблар бажарилмаган тақдирда цемент заводларига нисбатан фаолиятини тўхтатишгача бўлган чоралар кўрилади.
2020 йил 1 январдан бошлаб цемент корхоналарининг барчаси ифлослантириш манбалари мониторинги амалга ошириладиган хўжалик юритувчи субъектлар рўйхатига мажбурий киритилади.
Изоҳ (0)