Ижтимоий тармоқларда 25 ноябрь, душанба куни тарқалган «Фарғонада миллатчилик авжига чиқдими? Кўрлар жамияти ичида коррупция борми?» номли видеолавҳа юзасидан Фарғона вилояти халқ таълими бошқармаси муносабат билдирди.
Қайд этилишча, ушбу видеолавҳада вилоят кўзи ожиз болалар учун ихтисослашган мактаб-интернатининг собиқ ўқув ишлари бўйича директор ўринбосари ноҳақ ишдан бўшатилганлиги атилган. Ҳолат вилоят халқ таълими бошқармаси томонидан ўрганиб чиқилганда юқоридаги важлар ўз тасдиғини топмаган.
Мазкур видеолавҳадаги ҳолатлар ҳақида ҳаққоний ўрганишлар жараёнида мазкур мактаб-интернати директори томонидан ҳеч қандай босим ўтказилмаганлиги ҳамда ходимлар ва ўқитувчи-педагоглар орасида бирор марта бўлса-да, миллатчилик кайфияти бўлмаган.
«Биз Фарғона вилояти халқ таълими бошқармаси мутасаддилари мазкур шикоят юзасидан томонларнинг фикрларини холисона ўргандик. Лекин миллатчилик кайфияти хусусида ҳеч қандай аломатлар кўринишини топмадик. Шикоятчининг видеочиқишида бундай сўзлар асло ишлатилмаган», — дейилади хабарда.
Шунингдек, кўзи ожиз болалар учун ихтисослашган мактаб-интернатининг собиқ ўқув ишлари бўйича директор ўринбосари «ноҳақ ишдан бўшатилганлиги» даъво қилиниб ёки лавозимга қайта тикланиш мақсадида ушбу чиқишни ташкил этгани маълум бўлган.
Изоҳ (0)