Афғонистон собиқ президенти Ҳамид Карзай Хитойда ўтадиган халқаро афғон учрашувида мамлакатнинг амалдаги давлат раҳбари Ашраф Ғанига ёқмагани учун иштирок эта олмаётганини маълум қилди.
Ўтган ҳафтада Хитой халқ республикаси Афғонистонга «Толибон» ҳаракати билан мамлакатда тинчлик ўрнатиш юзасидан музокаралар ўтказишга шароит яратиб беришни ваъда қилган.
Халқаро тадбирни 28 октябрда ўтказиш режалаштирилганди, бироқ кейинроқ учрашувнинг муддати ўзгарди. «Толибон» ҳаракати кечикишга Афғонистон ҳукумати айбдорлигини билдирган. Хитойнинг таклифи ҳали ҳам ўз кучида, Чин юрти халқаро афғон масалалари муҳокамасига мезбонлик қилишга тайёр.
Бироқ мамлакат ҳукуматининг ушбу учрашувда иштирок этадиган делегацияси таркиби номаълумлигича қолмоқда. Собиқ президент Ҳамид Карзай ушбу тадбирда иштирок этишни истагани, аммо Ашраф Ғанининг бунга тўсқинлик қилаётганини айтган.
Мавзуга доир:
Карзай тинчликни истовчи сиёсатчиларга босим ўтказилаётганидан хавотирда экани, хусусан, Москвада ўтган халқаро афғон учрашувидан кейин Абдул Салом Заиф уйи ёнида ҳужум уюштирилгани, шунингдек, сиёсатчи Воҳид Мўждийнинг ўлдирилганини эслатиб ўтди.
Ҳамид Карзай ҳуқуқ-тартибот органлари ва хавфсизлик тузилмаларини халқ ҳимоячиси бўлиб қолиш ҳамда сиёсий ўйинлар иштирокчиси бўлмасликка чақирди.
Изоҳ (0)