«Адолат» СДП марказий кенгаши Тошкент шаҳар Юнусобод тумани «Минор» 50-округидан депутатликка номзод Рустам Умаров Сергели туманининг номини ўзгартиришни таклиф қилгани ҳақида хабар берилган эди. Рустам Умаровнинг таклифи ижтимоий тармоқларда кенг муҳокама қилинмоқда.
«Адолат» СДП матбуот хизматининг «Дарё»га хабар беришича, мазкур фикр юзасидан номзод туман номини ўзгартириш унинг шахсий фикри эканлигини маълум қилган.
«Депутатликка номзодлар, умуман Ўзбекистон Республикасининг ҳар бир фуқароси Конституциямизга кўра ўз фикри, қарашларини эркин билдириш ҳуқуқига эгадир. Шу боисдан бу менинг шахсий фикрим эканлигини эътиборга олишингизни ҳамда буни Ўзбекистон ‘Адолат’ социал-демократик партиясининг позицияси сифатида талқин қилмаслигингизни сўрайман.
‘Адолат’ СДПнинг сайловолди дастури ва ўз олдига қўйган мақсадларида мамлакатимиз ҳудудларининг, жумладан, Сергели туманининг номини ўзгартириш кўзда тутилмаган», — дейди номзод.
Изоҳ (0)