“Tolibon” harakati eng xavfli terrorchilik tashkiloti deb topildi

2018-yilda “Tolibon” harakati tomonidan butun dunyoda amalga oshirilgan teraktlarda eng ko‘p odam halok bo‘lgan. Bu haqda Institute for Economics and Peace tadqiqot markazi tomonidan tayyorlangan Global Terrorism Index 2019’da e’lon qilingan. Teraktlar oqibatidagi qurbonlar soni bo‘yicha “Tolibon” IShIDni ortda qoldirgan.

2018-yilda “Tolibon” harakatining hujumlari oqibatida butun dunyoda 2017-yilga qaraganda 70 foizga ko‘p, ya’ni 6,1 ming nafar odam halok bo‘lgan. IShID uyushtirgan teraktlar tufayli 1,3 ming nafar odam qurbon bo‘lgan, teraktlar soni ham keskin qisqargan. Hisobot mualliflarining qayd etishicha, ushbu holat Iroq hamda Suriyada terrorchilik tashkilotining pozitsiyasiga berilgan qaqshatqich zarbalar bilan bog‘liq. Mavzuga doir: 

• Donald Tramp “Tolibon”ga qarshi yangi zarbalar berishni va’da qildi
• “Tolibon” Trampning bayonotidan keyin Afg‘onistonda AQSh bilan jang qilishni davom ettirishga va’da berdi
• Tramp Kobuldagi terakt sabab Afg‘oniston prezidenti va “Tolibon” yetakchilari bilan uchrashuvni bekor qildi

2018-yilda 15,9 ming aholi teraktlar qurboni bo‘lgan. Halok bo‘lganlar soni 2017-yildagiga nisbatan 15 foizga kam. Biroq Afg‘onistonda teraktlar oqibatida qurbonlar soni hali ham yuqoriligicha qolmoqda va 2018-yilda ularning soni oshgan. 2018-yilda 2017-yilga nisbatan 60 foizga ko‘p, ya’ni 7,3 ming nafar fuqaro teraktlar oqibatida halok bo‘lgan. Mavzuga doir: 

• “Tolibon”ning yosh jangchisi tengdoshlari harakat safida jinsiy zo‘ravonlikka duch kelayotganini bildirdi
• AQSh “Tolibon” bilan muzokaralarni Afg‘onistondagi tinchlik uchun yo‘l deb hisoblaydi
• Do‘stum Afg‘onistonning shimolidagi “Tolibon”ni olti oy ichida mag‘lub etishni taklif qildi

Avval BMT vakillari ham 2018-yil Afg‘onistonda halok bo‘lgan fuqarolar soni rekord darajaga chiqqanini ma’lum qilgandi. Tashkilot ma’lumotiga ko‘ra, ushbu salbiy holatlarning to‘rtdan bir qismi Afg‘oniston kuchishlatar tizimi va xorijlik harbiylarning aybi bilan sodir bo‘lgan.

Afg‘oniston mudofaa vazirligining 2018-yil holatiga ko‘ra, mamlakatda 21 ta terrorchilik tashkiloti a’zolari bo‘lgan 50 mingdan ortiq jangarilar faoliyat olib borayotgani xabar qilingan. Terrorchilarning aksariyati “Tolibon” hamda ushbu harakat bilan ittifoqdagi “Haqqoniy tarmog‘i”ning a’zolari.