Бош прокуратура ҳузуридаги Департаментнинг Хоразм вилоят бошқармаси томонидан ўтказилган терговга қадар текширишда фуқаро С.А. ноқонуний даромад орттириш мақсадида Урганч туманида «К.Ж.С.» МЧЖни ташкил қилиб, 2019 йил 5 майдан 8 октябргача 3,7 миллиард сўмлик товар айланмасини амалга оширгани аниқланди. Бу ҳақда «Дарё»га Бош прокуратура матбуот хизмати маълум қилди.
С.А. ушбу суммадан бюджетга тўланиши лозим бўлган 209,7 миллион сўм солиқ ва бошқа мажбурий тўловларни тўлашдан қасддан бўйин товлаб келаётганлиги ҳамда 1,8 миллиард сўм савдо тушум пулларини банкка топширмасдан «нақдлаштириш» билан шуғулланиб келганлиги аниқланган.
Мазкур ҳолат юзасидан ЖКнинг 184 ва 189-моддалари билан жиноят иши қўзғатилиб, тергов ҳаракатлари ўтказилмоқда.
Изоҳ (0)