Жисмоний тарбия ва спорт вазирлиги ҳузуридаги Спорт объектлари инфратузилмасини ривожлантириш инжиниринг компанияси фаолиятини ташкил этиш чора-тадбирлари тўғрисида ҳукумат қарори қабул қилинди. Бу ҳақда «Ҳуқуқий ахборот» канали маълум қилди.
Қарор билан Спорт объектлари инфратузилмасини ривожлантириш бўйича инжиниринг компаниясининг асосий вазифалари белгиланди.
Жумладан, Инжиниринг компанияси Жисмоний тарбия ва спорт вазирлиги тизимидаги барча ташкилотларининг бино ва иншоотларини қуриш, реконструкция қилиш, капитал таъмирлаш ҳамда спорт жиҳозлари ва инвентарлари билан таъминлаш каби вазифаларни бажаради.
Қарорга кўра, Жисмоний тарбия ва спорт вазирлиги жисмоний тарбия ва спорт объектларини жиҳозлаш бўйича манзилли дастури лойиҳасини ҳар йили 1 декабрга қадар маҳаллий давлат ҳокимияти органлари билан биргаликда шакллантиради ва тасдиқлаш учун ҳукуматга киритади.
Маълумот учун, Инжиниринг компанияси Президентнинг 2019 йил 26 августдаги фармонига асосан ташкил этилган.
Изоҳ (0)