Тошкент вилоятининг 3 та туманида 18 ноябрь куни газ таъминоти вақтинча тўхтатилади

18 ноябрь куни ер усти газ қувурларида таъмирлаш ишлари олиб борилиши сабабли Тошкент вилоятининг айрим туманларида табиий газ таъминоти вақтинча тўхтатилади. Бу ҳақда «Ҳудудгазтаъминот» АЖ матбуот хизмати хабар берди.

Хусусан, Тошкент тумани «Қушқўнд»и маҳалласи С.Зокиров кўчаси ҳудудидаги жами 310 та аҳоли хонадонида соат 9:00 дан 17:00 га қадар ҳамда Оҳангарон тумани, «Бирлик», «Қизилсой», «Телов», «Қорабалиқ», «Санам», «Қорасуевка», «Сусам», «Чувилдоқ» ва «Илғор» МФЙ ҳудудларидаги жами 3026 та газ истеъмолчиларига соат 8:00 дан 17:00 га қадар газ таъминоти вақтинча тўхтатилади.

Шунингдек, Қуйичирчиқ тумани «Сергели» МФЙ Эркин кўчаси ҳудудидаги газ қувурларида носозлик туфайли жами 63 та аҳоли хонадонларига газ таъминоти вақтинча тўхтатилиб, 18 ноябрь куни таъмирлаш ишлари тугатилгандан сўнг, табиий газ таъминоти қайта тикланади.