18-noyabr kuni yer usti gaz quvurlarida ta’mirlash ishlari olib borilishi sababli Toshkent viloyatining ayrim tumanlarida tabiiy gaz ta’minoti vaqtincha to‘xtatiladi. Bu haqda “Hududgazta’minot” AJ matbuot xizmati xabar berdi.
Xususan, Toshkent tumani “Qushqo‘nd”i mahallasi S.Zokirov ko‘chasi hududidagi jami 310 ta aholi xonadonida soat 9:00 dan 17:00 ga qadar hamda Ohangaron tumani, “Birlik”, “Qizilsoy”, “Telov”, “Qorabaliq”, “Sanam”, “Qorasuyevka”, “Susam”, “Chuvildoq” va “Ilg‘or” MFY hududlaridagi jami 3026 ta gaz iste’molchilariga soat 8:00 dan 17:00 ga qadar gaz ta’minoti vaqtincha to‘xtatiladi.
Shuningdek, Quyichirchiq tumani “Sergeli” MFY Erkin ko‘chasi hududidagi gaz quvurlarida nosozlik tufayli jami 63 ta aholi xonadonlariga gaz ta’minoti vaqtincha to‘xtatilib, 18-noyabr kuni ta’mirlash ishlari tugatilgandan so‘ng, tabiiy gaz ta’minoti qayta tiklanadi.
“Hududgazta’minot” AJ ta’mirlash ishlari tufayli gaz ta’minotidagi vaqtincha uzilishlar sababli yetkazilayotgan noqulayliklar uchun aholi va gaz iste’molchilaridan uzr so‘raydi.
Izoh (0)