Дунё харитасида Ўзбекистон номли мамлакат амалда 1924 йил октябрида, расман эса 1925 йил 13 майида ташкил топган. Шундан бери бу мамлакат байроғи саккиз марта ўзгарган. Уларнинг дастлабки олтитаси бир чеккасига ЎзССР деб ёзилган қизил матодан ортиқ нарса эмасди. Қуйида, мустақил Ўзбекистон давлат байроғи қабул қилинган кун — 18 ноябрь муносабати билан тайёрланган галереяда нафақат Ўзбекистон, балки ХХ аср бошида мамлакат ҳудудида бўлган ва янги ташкил этилган (кейинчалик тугатилган) бошқа давлат ва давлат кўринишидаги тузилмалар байроқлари ҳам танишишингиз мумкин.
Ўзбекистон Совет Социалистик Республикаси (ЎзССР)нинг 1925 йил 22 июлдан 1926 йил 9 январгача амалда бўлган байроғи
Ўзбекистоннинг 1926 йил 9 январдан 1931 йилгача амалда бўлган байроғи
Ўзбекистоннинг 1931 йилдан 1935 йил январигача амалда бўлган байроғи
Ўзбекистоннинг 1935 йилдан 1937 йилгача амалда бўлган байроғи
Ўзбекистоннинг 1937 йилдан 1941 йил 16 январгача амалда бўлган байроғи
Ўзбекистоннинг 1941 йил 16 январдан 1952 йил 29 августгача амалда бўлган байроғи
Ўзбекистоннинг 1952 йил 29 августдан 1991 йил 18 ноябргача амалда бўлган байроғи
Мустақил Ўзбекистон байроғи — 1991 йил 18 ноябрдан бери
Ўзбекистон ССР — Туркистон АССР, Бухоро ССР ва Хоразм ССР чегараларининг ўзгартирилиб, бирлаштирилишидан ташкил топган республика эди. Ўз навбатида Бухоро ва Хоразм республикалари ўрнида 1920 йилга қадар мос равишда Бухоро ва Хива хонликлари бўлган, Туркистон АССРнинг шарқида эса 72 кун Қўқон мухторияти байроғи ҳилпираган.
Бухоро
Бухоро амирлигининг 1920 йил 1 сентябргача амалда бўлган байроғи
Бухоро Халқ Совет Республикаси (БXSР)нинг 1920 йил 20 сентябрдан 1921 йил 23 сентябргача амалда бўлган байроғи
Бухоронинг 1921 йил 23 сентябрдан 1923 йил 11 ноябргача амалда бўлган байроғи
Бухоро Совет Социалистик Республикаси (БССР)нинг 1924 йил 18 сентябрдан 1924 йил октябригача амалда бўлган байроғи
Хоразм
Хива хонлигининг 1917 йилдан 1920 йилгача амалда бўлган байроғи
Хоразм Халқ Совет Республикаси (ХXSР)нинг 1920 йил 30 апрелидан 1921 йил майигача амалда бўлган байроғи
Хоразмнинг 1922 йил 23 октябрдан 1923 йилгача амалда бўлган байроғи
Хоразм Совет Социалистик Республикаси (XSСР)нинг 1923 йил 23 октябрдан 1924 йил октябригача амалда бўлган байроғи
Туркистон
Туркистон Автоном Совет Социалистик Республикаси (ТАССР, яна бир номи — Туркистон Совет Республикаси)нинг 1919 йилдан 1921 йилгача амалда бўлган байроғи
Туркистон АССРнинг 1921 йилдан 1924 йилгача амалда бўлган байроғи
Қўқон (Туркистон) мухторияти байроғи (1917 йил 27 ноябрдан 1918 йил 22 февралгача)
Изоҳ (0)