Бугунги кунда 2 миллион 600 нафар Ўзбекистон фуқароси ўзга давлатларда меҳнат қилмоқда, деб ёзмоқда ЎзА.
Бу ҳақда Халқаро матбуот марказида давом этаётган Халқаро пресс клубнинг «Пресс-қаҳва» дебатлари дастурининг ишсизлик ва меҳнат муносабатларига бағишланган анжуманида маълум қилинган.
Қайд этилишича, уларнинг 80 фоизи, яъни 2 миллон 200 нафари Россияда, 350 минг нафари Қозоғистонда, 80 минг нафари Жанубий Кореяда, 60 минг нафари Туркия ва бошқа мамлакатлар ҳиссасига тўғри келади.
Кўпчилик Бандлик ва меҳнат муносабатлари вазирлигининг мазкур статистикаси реал ҳаётдаги рақамлардан фарқ қилишини айтади. Бироқ, вазирлик вакили рақамлар ўртасидаги фарқ катта эмаслигини маълум қилган. Шунингдек, мутасаддиси маълумотига кўра, хориждан ўтган йили меҳнат мигрантлари Ўзбекистонга 5 миллиарддан ортиқ валюта юборган.
Бундан аввал 2020 йилда Ўзбекистонда ишсизлик нафақаси икки баробарга кўпайиши ҳақида хабар берилган эди.
Изоҳ (0)