Сенатор-демократ Жанин Анес 12 ноябрь куни Боливия президенти ваколатларини бажаришни ўз зиммасига олди. Бу ҳақда «Интерфакс» хабар берди.
«Мен конституцияга мувофиқ зудлик билан давлат раҳбарининг мажбуриятларини ўз зиммамга оламан», − дея таъкидлаган Анес Боливия парламентида сўзлаган нутқида.
Шунингдек, сиёсатчи аёл мамлакатда иложи борича тезроқ сайловлар ўтказишга киришишини маълум қилди.
10 ноябрда 2006 йилдан бери Боливия президенти бўлган Эво Моралес давлат тўнтариши амалга оширилгани, армия ва мухолифатнинг босими туфайли истеъфога чиққанини эълон қилди. Моралесдан кейин вице-президент Гарсия Линер ва мамлакатнинг бошқа олий раҳбарлари ҳам истеъфо берди. Мексика ташқи ишлар вазири Марсело Эбрард мамлакат Боливия собиқ президенти Эво Моралесга пойтахт Ла-Пасдаги элчихонасида бошпана беришга тайёр эканлигини маълум қилди. Боливия собиқ президенти эса Эво Моралес Москва билан алоқага чиқмаган ва Россиядан бошпана сўрамаганлигини билдирди. 10 ноябрда мухолифат, полиция ва мамлакат армияси босими остида истеъфога чиққан Боливия президенти Эво Моралес махсус самолётда мамлакатни тарк этган ва Мексикага йўл олган.
Боливия конституциясига кўра, президент ва вице-президент истеъфосидан кейин давлатни сенаторлар палатаси етакчиси бошқариши мумкин. Агар у ҳам лавозимини тарк этса, депутатлар палатаси раиси мамлакатда раҳбар бўлади.
Изоҳ (0)