Kanadada kuchli shamol tufayli salkam 1 mln kishi elektr ta’minotisiz qoldi (video)

Kanadaning Kvebek provinsiyasida kuchli shamol oqibatida 980 ming kishi elektr ta’minotisiz qoldi. Bu haqda “Korrespondent.net” xabar bermoqda.

Monrealning janubiy qirg‘og‘ida daraxt qulashi oqibatida 63 yashar erkak halok bo‘lgan. Yana bir kishi shamol oqibatida binodan qo‘porilgan g‘isht tegib, jiddiy jarohatlangan.

Shuningdek, ayrim joylarda soatiga 90 kilometrga yetgan kuchli shamol tufayli Kanadaning eng tig‘iz havo qo‘nalg‘alaridan bo‘lgan Monreal xalqaro aeroportida yuzlab reyslar bekor qilingan.

https://www.facebook.com/CBCMontreal/videos/584200232320551/

https://www.facebook.com/nancy.turner.319/videos/10218416674079710/

Avvalroq “Dorian” to‘foni oqibatida Kanadaning janubi-sharqiy qismida qariyb 400 ming kishi elektr energiyasiz qolgani hadiqa xabar bergandik. Kuchli shamol va yomg‘ir elektr uzatish liniyalariga jiddiy zarar yetkazgan.

“Dorian” to‘foni Bagam orollarida vayrongarchiliklarga sabab bo‘ldi. Bo‘ron markazida shamol tezligi — salkam 300 km/soatni tashkil qilgan edi.

Janubiy Karolina shtati gubernatori Genri Makmaster “Dorian” to‘foni munosabati bilan favqulodda holat e’lon qilgan edi.