Ўзбекистон Президентининг 2019 йил 3 апрелдаги ПҚ-4265-сонли «Кимё саноатини янада ислоҳ қилиш ва унинг инвестициявий жозибадорлигини ошириш чора-тадбирлари тўғрисида»ги қарорига мувофиқ «Қўнғирот сода заводи» МЧЖ устав капиталининг 51 фоиз миқдоридаги улуши сотувга қўйилади. Бу ҳақда Давлат активларини бошқариш агентлиги хабар берди.
Давлат мулкини сотишда тендер савдолари ўтказиш бўйича Давлат комиссиясининг қарори билан «Қўнғирот сода заводи» МЧЖнинг улушини сотиш шартларига, Ernst & Young Advisory МЧЖ инвестиция маслаҳатчиси иштирокида салоҳиятли инвесторларнинг энг яхши таклифларини танлаш йўли билан улушни қуйидаги тартиб ва шартларда сотишни назарда тутувчи ўзгартиришлар киритилган.
Салоҳиятли инвесторларнинг энг яхши таклифларини танлаш йўли билан сотиш тартиби қуйидаги механизмни назарда тутади:
- Келишилган узун рўйхатдаги потенсиал инвесторларга тизерни тарқатиш;
- Қизиқиш билдирган салоҳиятли инвесторлар билан махфийлик тўғрисидаги шартномани имзолаш. Қисқа рўйхатни белгилаш, махфийлик тўғрисидаги шартномани имзолаш якуни бўйича инвесторларга ахборот меморандуми ва тартиб хатини тақдим этиш. Инвесторлар томонидан Мажбурий бўлмаган таклифлар тақдим этилиши.
- Инвесторлар томонидан тақдим этилган Мажбурий бўлмаган таклифларни таҳлил қилиш, келишиш ва энг жозибадорини танлаш. Мажбурий бўлмаган таклифлар таҳлили натижаси бўйича танланган салоҳиятли инвесторларга фойдаланиш ҳуқуқини берган ҳолда виртуал маълумотлар хонасини тайёрлаш ва очиш.
- Сотилаётган объектни салоҳиятли инвесторлар томонидан комплекс текширувидан ўтказиш. Инвестицион маслаҳатчи томонидан комплекс текширувни мувофиқлаштириш. Ўтказилган комплекс текширувлар натижалари бўйича инвесторлар томонидан Мажбурий таклифларни тақдим этиш.
Сотиш шартлари:
- корхонанинг асосий фаолият турини сақлаб қолиш;
- Ўзбекистон Президентининг 2019 йил 3 апрелдаги ПҚ-4265-сонли қарорига мувофиқ калсийнацияланган сода ишлаб чиқаришни йилига 200 минг тоннадан 450 минг тоннагача кенгайтириш ва бошқа (янги) турдаги маҳсулотлар ишлаб чиқаришни ташкил қилиш (инвестицион мажбуриятларини бажариш муддатлари 2019—2024 йиллар.);
- янги иш ўринларини яратиш шаклидаги ижтимоий мажбуриятларни қабул қилиш.
Изоҳ (0)