Навоийда яна бир «Тез ёрдам» ходими таҳқирлангани видеоси пайдо бўлган эди. Навоий вилояти ИИБ ушбу хабарларга муносабат билдирди.
Мавзуга доир: Навоийда яна бир «Тез ёрдам» ходими таҳқирланди (видео)
Тиббиёт ходимлари келгунига қадар К.Х. маст ҳолатда ухлаётган бўлган, улар келганидан сўнг уйғониб навбатчи шифокор Н.Б. эгнига кўк рангли тиббиёт халати устидан қишки куртка кийганлиги сабабли, «нима учун оқ халатда эмассан, нима учун мени оёғинг билан туртиб уйғотдинг» деб у билан ўзаро жанжаллашган.
Жанжал вақтида К.Х. шифокор Н.Б.нинг кўкрак қисмига қўли билан бир маротаба уриб Э.П. билан бирга ҳар хил сўзлар билан ҳақоратлаган.
Жанжал бўлаётганлиги тўғрисида туман ИИБ ҲПБ ТП профилактика инспектори Э.И.га соат 17:49 да навбатчи фелдшер У.Р. телефон орқали хабар берган. Хабар асосида профилактика инспекторлари Э.И., Ф.П. ва А.И. воқеа жойига келиб, жанжални тўхтатган.
Видео тасвирда ҳам Ички ишлар ходимини томошабин эмас, балки ҳолатни тўғри баҳолаб ундан сўнг тезкорлик билан ҳаракат қилгани акс этган. Профилактика инспекторлари зудлик билан маст ҳолдаги фуқароларни реаблитация қилиш марказига олиб келиб жойлаштирган.
Ҳолат юзасидан Н.Б., К.Х., Э.П., У.Р.дан тушунтириш хати олиниб, судга оид тиббий экспертиза тайинланган. Ҳозирда терговга қадар текширув ҳаракатлари олиб борилмоқда.
Изоҳ (0)