Навоийда яна бир «Тез ёрдам» ходими таҳқирланди (видео)

Навоийда яна бир «Тез ёрдам» ходими таҳқирлангани видеоси пайдо бўлди, деб ёзмоқда «Xabar.uz».

Унда уй ичида ички кийимдаги эркак аввалига ерда ётгани, сўнг ўрнидан туриб, тиббиёт ходимини камситиб, таҳқирлашга ўтгани тасвирланган. Бироздан сўнг хонага икки нафар ички ишлар ходими кириб келган. «Бемор» тиббиёт ходимининг устидаги курткасини ечиб, елкасига куч билан урган. Шундан сўнг ички ишлар ходимлари уни ажратишга тушган.

Хабарда айтилишича, воқеа 31 октябрь, пайшанба куни соат 18:00 лар атрофида Учқудуқ туманида содир бўлган. Таҳқирга учраган «Тез ёрдам» ходими соғлиғи ёмонлашгани учун шу куни туман марказий шифохонасига мурожаат қилган. Унинг мурожаати соат 20:00 да қайд қилиб, ИИБ навбатчи қисмига хабар берилган.