ДХХ Фарғона вилояти бошқармаси ходимлари томонидан кўп миқдордаги қалбаки хорижий валютасини ўтказмоқчи бўлган шахс ушланди, деб хабар беради ЎзА.
Андижон вилоятининг Қўрғонтепа туманида яшовчи Ш.Р. исмли шахс қалбаки АҚШ доллари купюраларини ўтказиб келаётганлиги аниқланган. 22 октябрь куни ўтказилган тезкор тадбирда унинг қилмишлари фош этилди. Ш.Р.нинг таниши Б.А. киракашлик билан шуғулланувчи О.Т. билан унинг бошқарувидаги Lasetti Gentra русумли автомашинасида Фарғона тумани Водил қишлоғидаги автотураргоҳ ҳудудига келган.
Ш.Р.нинг кўрсатмасига кўра, қалбаки 5300 АҚШ доллари эвазига тўққиз дона Samsung русумли телефон аппаратларини қабул қилиб, пулларни берган вақтида ушланган. Автотранспорт воситаси белгиланган тартибда кўздан кечирилганда автомашинада фуқаро Ш.Р.га тегишли бўлган 53 дона 100 купюрали АҚШ доллари борлиги аниқланган.
Фарғона вилояти ИИБ ЭКБнинг экспертиза хулосасига кўра, купюралар пул белгилари ишлаб чиқарадиган корхонада тайёрланмагани, мазкур купюралар полиграфия усулида нусхалаш-кўпайтириш техникаси ёрдамида тайёрлангани маълум бўлди.
Мазкур ҳолат бўйича Ш.Р.га нисбатан жиноят иши қўзғатилиб, ҳозирда тергов-суриштирув ишлари олиб борилмоқда.
Изоҳ (0)