Россиянинг Санкт-Петербург шаҳри Адмиралтейский туманида 27 октябрь, якшанба куни икки ўзбекистонлик таксичи иштирокида йўл-транспорт ҳодисаси юз берди. Бу ҳақда «ВКонтакте»да хабар берилди.
Маълум бўлишича, 1983 йилда туғилган Ўзбекистон фуқароси бошқарувидаги Kia Ceed автомобили туман ҳудудидан ўтувчи канал бўйлаб ҳаракатланиб бориб, чап томонга бурилган. Бурилиш вақтида машина 1996 йилда туғилган ўзбекистонлик бошқарувидаги Hyundai Solaris билан тўқнашган.
Тўқнашув оқибатида Hyundai ҳайдовчиси ва унинг москвалик йўловчиси ўрта даражада жароҳат олган.
Қайд этилишича, тўқнашувга Hyundai ҳайдовчисининг қизил чироқда ҳаракатлангани сабаб бўлган.
Изоҳ (0)