Россиянинг Санкт-Петербург шаҳрида ўзбекистонлик Сарвиноз Адизова Умар Мормуродов исмли ўғилчаси билан йўқолиб қолди. Аёл 28 октябрда ўғлини болалар аравачасига солиб, уйдан чиқиб кетган ва қайтиб келмаган. Бу ҳақда «Fontanka.ru» хабар берди.
24 ёшли Сарвиноз Адизова тўрт ярим ойлик ўғли Умар билан 28 октябрь куни эрталаб тахминан соат 10:00 да сайрга чиқиб кетган ва шундан кейин алоқага чиқмаган.
Аёлнинг 29 ёшли эри уларни уйга қайтишини кутган, 29 октябрь, сешанба куни у қидирувга полицияни жалб қилган. Аёл уйда бола тарбияси билан банд бўлган, бундан аввал йўқолиб қолмаган, рус тилида яхши гаплаша олмайди.
Турмуш ўртоғининг сўзларига кўра, рафиқаси шаҳардаги «Континент» савдо-кўнгилочар комплексига йўл олган эди. Унинг эгнида апельсин рангли пальто, тўқ кўк шим ҳамда у билан сариқ рангли болалар аравачаси бўлган. Аёлнинг ёнида ҳужжатлари бўлмаган, телефонига боғланиб бўлмаяпти. Чақалоқ тўқ кўк рангли комбинезонда бўлган.
Изоҳ (0)