Тошкент метросида 30 октябрь, чоршанба куни соат 14:59 да Чилонзор йўналишининг «Мирзо Улуғбек» бекатида техник сабабларга кўра йўловчилар поезд вагонларидан бекатга чиқарилган. Бу ҳақда пойтахт метроси маъмурияти хабар берди.
Маълум қилинишича, ҳаракат таркиби ишламай қолган ва бунинг оқибатида поездлар ҳаракати 7—8 дақиқага тўхтаб қолган.
Шу куни соат 16:50 да вагонлардан бирида шубҳали буюм аниқлангани сабабли «Буюк ипак йўли» бекатида поезднинг йўналишга чиқиши бекор қилинган. Поезд ҳаракати 3 дақиқадан кейин тикланган.
Тошкент метрополитени маъмурияти ўз хабарида вужудга келган ноқулайликлар учун йўловчилардан узр сўраган.
Изоҳ (0)