29 октябрь, сешанба куни Самарқанд шаҳри Зафар кўчасида жойлашган 4-уйнинг 7-хонадонида ёнғин содир бўлди. Бу ҳақда Давлат ёнғин хавфсизлиги хизмати хабар берди.
Бу ҳақда соат 08:17 да шаҳар ёнғин хавфсизлиги бошқармасига хабар келиб тушган. Ёнғинга иккита ёнғин ўчириш техникаси жалб этилган. Воқеа жойига беш дақиқада етиб борган ёнғин ўчирувчиларнинг тезкор ҳаракатлари натижасида ёнғин соат 08:25 да ўраб олинган ва соат 08:50 да бартараф этилган.
Ёнғин оқибатида яшаш уйи ошхонасининг 15 квадрат метр майдонда ички жиҳозлари ёниб зарарланган. Ёнғинни бартараф этиш вақтида 1952 йилда туғилган уй бекаси фуқаро Р.Г.нинг куйган жасади топилган.
Ҳодисанинг келиб чиқиш сабаби юзасидан дастлабки суриштирув ишлари олиб борилганда, юқорида кўрсатилаган манзилда газ ускуналарини ўрнатиш қоидалари бузилганлиги маълум бўлган.
Ёнғинга хонада тўпланиб қолган табиий газнинг электр тармоғидан фойдаланиш оқибатида портлаши сабаб бўлгани айтилмоқда.
Ҳодиса юзасидан терговга қадар текширув ишлари олиб бормоқда.
Изоҳ (0)