Энг улкан филлар турига мансуб машҳур Африка саваннаси фили Мэтт 52 ёшида вафот этди. «Life.ru» нашрининг ёзишича, филнинг ўлимига ташқи омиллар сабаб бўлмаган ва биологик тарзда вафот этган. Ҳайвоннинг жасадини браконьерларга қарши кураш гуруҳларининг ходимлари ҳудудни айланаётган вақтида топган ва бу ҳақда Кения ёввойи табиати бошқармасига хабар қилган.
Филнинг оғирлиги 6 тонна, бўйи 3 метрни ташкил қиларди. 2002 йилда филнинг ҳаракатларини кузатиш ва уни хавфлардан ҳимоя қилиш мақсадида Мэттга сунъий йўлдош майоқчаси ўрнатилган.
Save the Elephants ташкилоти аниқлаган маълумотларга кўра Мэтт ҳаёти давомида Кениядаги бошқа ҳеч бир фил юрмаган масофани босиб ўтган. У кўп бора ўзи яшайдиган Меру миллий парки ҳудудини тарк этган ва Самбурудаги бошқа учта қўриқхоналарни ҳам сайр қилган.
Кўпчилик ушбу улкан фил BBC томонидан тасвирга олинган Кения ҳайвонот олами ҳақидаги «Филларнинг сирли ҳаёти», «Ёввойи ҳайвонлар», «Табиат оламидаги қизиқарли саёҳат» номли ҳужжатли фильмлар орқали танилган.2017 йилда Save the Elephants ташкилотининг асосчиси Иэйн Даглас-Немилтон Мэттнинг бошқа бир улкан фил билан олишувини видеога олаётган вақтида ҳайвонларга жуда яқин келган ва улар ўртасидаги жангнинг қурбони бўлишдан аранг қочиб қолганди.
Мавзуга доир: Дания бош вазири депутатларга фил ва туя дўстлиги ҳикоясини айтиб бутун парламентни кулдирди (видео)
Изоҳ (0)