Мамлакатнинг таниқли миллионер аёлларидан бири Вонни Жирахароенинг мурдаси Таиланд шимолидаги Чиангмай шаҳридаги уйида устига бетон қуйилган ҳолатда музлатгич ичидан топилган. Бу ҳақда «РИА Новости» хабар берди.
Қурилиш соҳасида бизнес қилган ва хайрия ишлари билан шуғулланган аёл 18 октябрдан бери яқин қариндошлари билан умуман алоқага чиқмаганлиги таъкидланмоқда. Полициячиларни 58 ёшли Жирахароенинг қўшнилари унинг уйидан қўланса ҳид чиқа бошлаганидан кейин чақирган.
Кейинчалик полиция маҳкамаси аёлнинг банкдаги ҳисобидан катта миқдордаги пуллар ечиб олингани, унинг автомашинаси ва банк карталарининг йўқолганлигини хабар қилди.
Аёлга суиқасд уюштирганликда унинг ўлимидан кейин сирли равишда ғойиб бўлган севгилиси гумон қилинмоқда. 39 ёшли гумонланувчи Витун Ситабут аллақачон ҳибсга олинган. Унинг жиноятга алоқадорлигини гувоҳлар ҳамда кузатув камераларидаги видеоёзувлар ҳам тасдиқлаган.
Изоҳ (0)