Ливан бош вазири Саад Ҳаририй расман мамлакат президенти Мишель Аунга ҳукуматни истеъфога чиқариш бўйича расмий сўров юборди, деб ёзмоқда «РИА Новости».
Аввал бош вазир Ҳаририйнинг Ливандаги норозиликлар сабаб президентдан ўзи ва ҳукуматни истеъфога чиқаришни сўраши кутилаётгани хабар қилинганди.
«Конституция ва мамлакат ҳудудидаги ички инзқироз, халқнинг норозилик намойишлари сабаб, шунингдек, мен ислоҳотлар ҳамда халқ манфаатларига хизмат қиладиган янги ҳукуматга зарурат бор деб ҳисоблаганим туфайли ўз бошқарувимдаги ҳукуматнинг истеъфосини сўрайман», — дея Ҳаририйнинг истеъфо сўраб ёзган мурожаатини келтирган нашр.
Кутилган истеъфо Байрутда ҳукуматнинг янгиланиши, парламентнинг тарқатиб юборилиши ва сайловларнинг қайта ўтказилишини талаб қилаётган минглаб норозилик намойиши иштирокчиларини хурсанд қилди.
Ливан пойтахтидаги Павших, Риёд ас-Солиҳ майдонларидаги оломон уйларига тарқалгани йўқ. Фуқаролар бир-бирларини бош вазирнинг кетгани билан табрикламоқда. Одамлар ҳукуматга қарши ҳайқириқлар қилишда давом этмоқда. Намойишчилар кўча йўлларига чодир тикиб уларни тўсиб олган.
«Биз ҳозирча тинчлик билан бошлаган норозилик намойишларимизни тўхтатмоқчи эмасмиз. Мамлакат бошқаруви тизимида реал ўзгаришлар кузатилсагина уйларимизга тарқаламиз», — дейди норозиликлар иштирокчиларидан бири.
Мавзуга доир: Ливандаги банклар 12 кундан буён «фалаж» ҳолатда турибди
Ливан бош вазири Саад Ҳаририй 2017 йилда ҳам истеъфога чиқишини эълон қилган ва мамлакат ҳудудини тарк этган. Кейинчалик ушбу баёнотни Саудия Арабистони босими остида берганлигини таъкидлаб, Ливанга қайтган ҳамда унинг истеъфоси бекор бўлганди.
Изоҳ (0)