«Ўзбеккўмир» компаниясини ривожлантириш режалари ўзгарди. Бу ҳақда Президент Шавкат Мирзиёевнинг 24 октябрь кунги қарорида қайд этилди.
Унга кўра, «Ўзбеккўмир»нинг 45 фоиз улуши Россия компаниясига ишончли бошқарувга берилмайдиган бўлди.
Россиянинг «ПрогрессГорТех» МЧЖ «Ўзбеккўмир» акциядорлик жамияти устав капиталидаги 45 фоиз акциялари пакетининг ишончли бошқарувчиси сифатида жалб этилиши режалаштирилган эди. Давлат раҳбарининг янги қарори билан 2019 йил 7 мартдаги « ‘Ўзбеккўмир’ акциядорлик жамиятини бошқариш самарадорлигини ошириш чора-тадбирлари тўғрисида»ги қарорнинг ишончли бошқарув билан боғлиқ барча қоидалари ўз кучини йўқотган, деб топилди.
Қайд этилишича, ҳужжат «Ўзбеккўмир» акциядорлик жамиятининг бошқарув тизими самарадорлигини ошириш, шунингдек, кўмир қазиб олишни янада кўпайтириш мақсадида қабул қилинган.
Изоҳ (0)