“O‘zbekko‘mir” kompaniyasini rivojlantirish rejalari o‘zgardi. Bu haqda Prezident Shavkat Mirziyoyevning 24-oktabr kungi qarorida qayd etildi.
Unga ko‘ra, “O‘zbekko‘mir”ning 45 foiz ulushi Rossiya kompaniyasiga ishonchli boshqaruvga berilmaydigan bo‘ldi.
Rossiyaning “ProgressGorTex” MCHJ “O‘zbekko‘mir” aksiyadorlik jamiyati ustav kapitalidagi 45 foiz aksiyalari paketining ishonchli boshqaruvchisi sifatida jalb etilishi rejalashtirilgan edi. Davlat rahbarining yangi qarori bilan 2019-yil 7-martdagi “ ‘O‘zbekko‘mir’ aksiyadorlik jamiyatini boshqarish samaradorligini oshirish chora-tadbirlari to‘g‘risida”gi qarorning ishonchli boshqaruv bilan bog‘liq barcha qoidalari o‘z kuchini yo‘qotgan, deb topildi.
Qayd etilishicha, hujjat “O‘zbekko‘mir” aksiyadorlik jamiyatining boshqaruv tizimi samaradorligini oshirish, shuningdek, ko‘mir qazib olishni yanada ko‘paytirish maqsadida qabul qilingan.
Izoh (0)