Ўзбекистон Олий Мажлиси Сенати раиси Танзила Норбоева Японияга расмий ташрифи доирасида қатор мамлакатлар раҳбарлари билан учрашувлар ўтказди, деб хабар беради Сенат матбуот хизмати.
Хусусан, Арманистон президенти Армен Саркисян билан учрашувда икки томонлама ҳамкорликни мустаҳкамлаш масалалари муҳокама қилинган.
Армен Саркисян Президент Шавкат Мирзиёев раҳнамолигида Ўзбекистонни ижтимоий-иқтисодий ривожлантиришдаги улкан ютуқлар ва мамлакатнинг халқаро майдондаги обрў-эътибори тобора юксалиб бораётганини таъкидлаган.
Томонлар икки мамлакат ўртасидаги ҳамкорликни, шу жумладан, парламент ва ҳукумат тузилмаларининг ўзаро ҳамкорлигини кучайтириш муҳимлигини қайд этди.
Аввалроқ, Танзила Норбоева Япония императорининг тахтга ўтириш маросимида иштирок этгани ва император Нарухито ҳамда Япония бош вазири Синдзо Абэ билан учрашгани ҳақида хабар берилганди.
Изоҳ (0)