«Пахтакор—Янгиер» магистрал газ қувурида ёрилиш содир бўлди, дея хабар бермоқда «Ўзтрансгаз» матбуот хизмати.
Қайд этилишича, 21 октябрь, душанба куни соат тахминан 09:47 да «Ғаллаорол магистрал газ қувурлари бошқармаси»га қарашли 1984 йилда ишга туширилган юқори босимли диаметри 1020 миллиметр бўлган «Пахтакор—Янгиер» магистрал газ қувури I тармоғининг 17 километрида ёнғинсиз ҳолатда қувур ёрилиши юз берган.
Хабарда айтилишича, ҳозирда аварияни бартараф этиш ва магистрал газ қувурни ишга тушириш чоралари кўрилмоқда, истеъмолчиларга табиий газ етказиб беришда узилишлар бўлмайди.
Сентябрь ойида Зангиота туманида «Обод қишлоқ» дастури доирасидаги ишлар вақтида газ қувури шикастланиб, 500 тага яқин хонадон газсиз қолган эди.
Изоҳ (0)