UFC устаси Дастин Порье Конор Макгрегор—Фрэнки Эдгар жангига муносабат билдирди. Бу ҳақда ESPN хабар бермоқда.
«Эдгар—Макгрегор жанги ҳақида кўп ўйлаганим йўқ. Фрэнки ажойиб йигит ва буюк чемпион. Сўнгги иккита жангни бой бергач, вазн ташлашга қарор қилганини биламан. Фрэнкини ҳурмат қилган ҳолда айтаман: Конор уни ўзига айни дамдаги энг қулай рақиб деб ҳисоблаётган бўлиши катта эҳтимол. Конор ким биландир жанг қилишдан қўрқади деб ўйламайман. Аммо унинг мендан қочяптими ёки йўқ буни ҳам билмайман. Бироқ у ўзи учун қулай жанг излаётгани ҳам бор гап, менимча. Бизнинг жангимиз эса ҳали муҳокама қилинмади. Ушбу жангга эришаман деб умид қиламан», — дейди Дастин Порье.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)