Эрон парламентининг юқори лавозимдаги вакили Қизил денгиздаги Sabiti нефть танкерида юз берган портлашлар ортида АҚШ, Исроил ҳамда Саудия Арабистони турганлиги ва бу борадаги исбот-у далиллар тез кунларда БМТга юборилишини маълум қилди. Бу ҳақда «Iran.ru» хабар берди.

Фото: Benin Web TV

Эрон парламентининг миллий хавфсизлик ва ташқи сиёсат масалалари бўйича аъзоси Абулфазл Ҳасанбейжи танкерга ўрнатилган камералардаги видеоёзувдан ҳужумнинг Исроил, АҚШ ва Саудия Арабистони томонидан уюштирилганлиги маълум бўлганини билдирди.

Ушбу зулм учлиги (АҚШ, Исроил ва Саудия Арабистони) Эрон ислом республикасини енга оламиз дея ҳисоблаган. Айрим давлатланинг танкер ҳужумига алоқадорлиги бўйича далил ва исботлар тўпланган. Улар БМТ ҳамда ташкилотнинг Хавфсизлик кенгашига юборилади. Ушбу ҳужумни амалга оширган ва унда иштирок этганлар ўз қилмиши учун жавоб бериши лозим.

Абулфазл Ҳасанбейжи, Эрон парламенти депутати

Sabiti Эрон нефть танкер ўтган ҳафтада Саудия Арабистони соҳилларига, Жидда портига яқин ҳудудда ҳужумга учраган ва иккита портлаш амалга ошиши натижасида юк кемасидаги нефть маълум вақт сувга оққанди.