Афғонистонда Германия ускуналари йўқолгани сабаб сайловлар натижаларини эълон қилиш кечикмоқда

Афғонистон Мустақил сайлов комиссияси аввал тахмин қилинганидек президентлик сайловларининг дастлабки натижаларини 17 октябрь куни эълон қила олмади.

Охирги йилларда Афғонистонда ўтказилган президентлик сайловларида коррупциянинг юқори элементлари намоён бўлиши ҳолатлари кузатилгани сабаб Германиянинг таниқли компанияси сайлов участкалари учун махсус аппаратлар тақдим қилганди. Овозларни биометрик маълумотлар асосида ҳисоб-китоб қилувчи ушбу ускуналар сайловларнинг шаффоф ва очиқ ўтишини таъминлаши кўзда тутилганди.

Аммо 26 минг дона аппаратдан 2 мингтаси йўқолиб қолган. 8 кун давомида электрон тизим умуман ишламаган, 17 октябрда Бош прокуратуранинг Кобул филиали биометрик аппаратларнинг техник ҳолати билан шуғулланишга қарор қилди. Вазиятни ўнглаш учун икки нафар немис инженери чақирилган. «Муҳандислар етиб келган иш маълум маънода яхши кетмоқда», — дейди Мустақил сайлов комиссияси раҳбари Ҳава Алам Нуристоний. Унинг сўзларига кўра, комиссия 22 445 та биометрик ускунадаги маълумотларни бош серверга қайта ишлаш учун юборган.

Амалдаги президент Муҳаммад Ашраф Ғанининг жамоаси жараённи тезлаштириш учун эскича усулда ҳам овозлар сонини ҳисоблашни таклиф этди. Сайловлар давомида электр таъминоти етиб бормаган ерларда шундай қилишга уринилганди. Мустақил сайлов комиссияси ушбу усулдан агар Олий суд бунга рухсат берса фойдаланишга тайёр. Аммо бу аввалги коррупцион схемаларга яна қайтиш эканлигини тушунган президентликка номзодини қўйганлар ушбу усулнинг қўлланилишига қарши чиқмоқда.

«Бу зўравонлик ҳаракати бўлади. Афғон халқининг ҳуқуқий ва суд институтларига бўлган ишончи тушиб кетади», — дея таъкидлаган президентликка номзодини қўйган Раҳматилла Набил.

Мустақил сайлов комиссияси сайловлар натижаларини ҳисоб-китоб қилаётган вақтда парламентда сайловлар вақтида зўравонлик ҳолатларининг кузатилганлиги муҳокама қилина бошланди. Мунозаранинг кутилмаган якуни мамлакат ИИВнинг «барча махсус хизматлар бундай ҳолатлардан чарчади» дегани ва ноябрь охирида қурол-яроғ ва шахсий зирҳли ҳимоя техникаларидан фойдаланишга рухсат берилиши ҳақидаги баёноти бўлди».

ИИВ ушбу қарорни 110 нафар депутатнинг қуролга рухсатномаси бўлмай туриб парламент биносида ҳам қуролланиб юрганлиги билан изоҳлади. Ўз навбатида депутатлар ўзларининг мамлакатда қурол билан юрган қайси эркакдан кам жойи борлигини айтиб жавоб қайтарган.