Туркия президенти Ражаб Тоййиб Эрдўғон Туркия ҳарбийларининг Сурия шимолидаги операцияни давом эттираётгани ҳақидаги хабарлар ёлғон ахборот эканлигини билдирди, деб ёзмоқда «Интерфакс».
«Бу каби хабарларнинг ҳаммаси ёлғон ахборотлар (дезинформация)», — дея Эрдўғон сўзларини келтирган маҳаллий ОАВ.
Эрдўғон Туркия мудофаа вазирлиги берган маълумотга таяниб курдларнинг келишувга мувофиқ тарзда чегара ҳудудидан чиқиб кетаётганлигини маълум қилган ва турк қўшинларининг террорчилар ҳудудни тарк этганлигига тўлиқ ишонч ҳосил қилиш учун ўз позициясида қолишини қайд этган.
Аввал Туркиянинг АҚШ билан ўтказилган музокаралардан кейин имзоланган келишувга амал қилмаган ҳолда Рас ал-Айн ҳудудидаги объектларга ҳужум қилаётгани ва шаҳарда отишмалар, тўқнашувлар кузатилаётганлиги хабар қилинганди.
Туркия раҳбари Ражаб Тоййиб Эрдўғон ҳамда АҚШ вице-президенти Майк Пенс музокаралардан сўнг туркларнинг курдлар чегарадан узоқлашиши учун Сурия ҳудудидаги операцияларни 120 соатга тўхтатишни келишиб олган.
Мавзуга доир: Пенс ва Эрдўғон келишувидан кимлар манфаатдор?
Изоҳ (0)