Ўзбекистонда Президент университети ташкил этилади. Бу ҳақда Ахборот ва оммавий коммуникациялар агентлигида Олий ва ўрта-махсус таълим вазирлиги раҳбарияти ва олий ўқув юртлари ректорлари иштирокида бўлиб ўтган матбуот анжуманида маълум қилинди, деб ёзмоқда ЎзА.
Ўзбекистон Республикаси олий таълим тизимини 2030 йилгача ривожлантириш концепциясида Президент университетини ташкил этиш ҳам кўзда тутилган.
Унга кўра, Президент университети — халқаро стандартлар ва миллий анъаналар уйғунлигида юқори малакали, замонавий билим ва кўникмаларга эга, мустақил фикрлайдиган, ватанпарвар, профессионал кадрларни тайёрловчи етакчи таълим ва илм-фан марказига айланади. Шунингдек, Президент университетида таълимга кредит-модули тизими жорий қилинади.
Маълумот учун, Ўзбекистонда жорий йилда тўртта Президент мактаби ташкил эилди. Шунингдек, мамлакатнинг ҳар бир ҳудудида шундай мактабларни ташкил этиш режалаштирилган.
Изоҳ (0)