Бухоро вилоятининг Ғиждувон туманида хотинини хиёнатда гумонлаган эркак уни болта билан ўлдирмоқчи бўлди. Бу ҳақда Бош прокуратура матбуот хизмати «Дарё»га хабар берди.
Маълум бўлишича, воқеа 16 октябрь, чоршанба куни соат 20:45 ларда юз берган. Бухоро вилояти Ғиждувон тумани «Армечан» маҳалласида яшовчи 44 ёшли Х.А. 42 ёшли турмуш ўртоғи Ф.Т.ни бегона эркаклар билан ишқий муносабатда бўлаётганлигини гумон қилган.
Эркак болта билан қуролланиб, хотинини ўлдирмоқчи бўлган вақтда ИИБ ходимлари томонидан ушланган.
Мазкур ҳолат юзасидан Ғиждувон тумани прокуратураси томонидан фуқаро Х.А. ушланиб, унга нисбатан Жиноят кодексининг 25, 97-моддаси 1-қисми билан жиноят иши қўзғатилган.
Изоҳ (0)