Аввалроқ, «Миллий тикланиш» партиясидан бўлган Кабул Дусов ва Яшнобод тумани аҳолиси ўртасида жанжал юзага келгани ҳақида хабар берилганди. Тармоқларда вазиятни ўрганиш учун воқеа жойига борган «Mening yurtim» телеканали ходимлари журналистлар билан қўпол муносабатда бўлгани тасвирланган видео тарқалди.
Видеодан кўриш мумкинки, MY5 телеканали журналисти депутат билан кўчада, аҳолининг олдида вазиятга ойдинлик киритишга уринган. Бироқ Кабул Дусов журналистга қарата, «Нотўғри савол беряпсиз. Сиз журналистмисиз ёки ғийбатчи?», дея кескин жавоб қайтарган.
Журналистнинг таъкидлашича, депутат аввалига офисида алоҳида гаплашиб олишни таклиф қилган, бироқ кўчадаги саволлар қийинчилик туғдиргач, унга «Ёқмаётган бўлса, катта кўча» деган. Бироқ тарқалган видеода бу жойи қирқиб ташланган.
Депутат Кабул Дусов юқоридаги вазият бўйича Repost нашрига берган изоҳида, у 22-авиашаҳарчадаги офисига элтувчи йўлни қуриш учун барча ҳужжатларни расмийлаштирган, Тошкент шаҳар ҳокимлигидан, шаҳар Йўл ҳаракати хавфсизлиги бошқармасидан ва бошқа ташкилотлардан рухсат олган, бироқ аҳоли бунга қарши чиққан.
Мавзуга доир: Аёлларнинг сиёсатга аралашишини қоралаган депутат Кабул Дусов Яшнобод туман аҳолиси билан жанжаллашиб қолди
Изоҳ (0)