15 октябрь куни бўлиб ўтган Made by Google 2019 кузги тақдимотида «эзгулик корпорацияси» ўзининг Google Pixel 4 ва 4 ХL смартфонлари ҳақида маълумот берди, деб хабар қилади «Kod.ru».
Таъкидланишича, иккала қурилма ҳам 16 ва 12,2 мегапикселли асосий камералар билан жиҳозланган. Орқа панелдаги асосий камера iPhone дизайнини ўзида такрорлайди, бироқ чақноқ (вспишка) ва объективнинг жойлашув ўрни ўзгача. Pixel жамоасида бўлган Сабрина Элиснинг айтишича, фойдаланувчилар бу каби чақноқни фақат фонар сифатида ишлатади, чунки камера шундоқ ҳам юқори тиниқликка эга.
Суратга олиш вақтида смартфон бир вақтнинг ўзида тўққизта суратни олади. Икки баробар яқинлаштирувчи телефон-линзалари ўрнатилган Pixel 4/4 XI ёрдамида узоқ масофани ҳам суратга олиш мумкин.
Шунингдек, Google «портрет» режими ҳақида ҳам унутмаган ва юлдузларни суратга олиш учун янги режимни қўшган — бир уринишдаёқ сурат сифатли чиқади, бироқ бунинг учун сматфонни қимирлатмасдан туриш керак.
Кичик Pixel’га 5,7 дюймли Full HD+ дисплейи ўрнатилган бўлса, Pixel 4 XI эса 6,3 дюймли Quad HD+ дисплейга эга. Экран Gorilla Glass 5 билан ҳимояланган.
Иккала қурилмага ҳам 8 ядроли Qualcomm Snapdragon 855 процессори ўрнатилган. Тезкор хотираси 6 гигабайт бўлиб, ички хотираси 64/128 гигабайтга тенг. Pixel 4’га 2800 мА/соат, Pixel 4 XI’га эса 3700 мА/соат аккумулятор ўрнатилган.
Pixel смартфонларни олдиндан буюртма қилиш 15 октябрдан бошланган. Google Pixel 4 6/64 ГБ қурилма 799 доллар, Pixel 4 ХL 6/64 эса 899 доллардан сотилмоқда.
Изоҳ (0)