15-oktabr kuni bo‘lib o‘tgan Made by Google 2019 kuzgi taqdimotida “ezgulik korporatsiyasi” o‘zining Google Pixel 4 va 4 XL smartfonlari haqida ma’lumot berdi, deb xabar qiladi “Kod.ru”.
Ta’kidlanishicha, ikkala qurilma ham 16 va 12,2 megapikselli asosiy kameralar bilan jihozlangan. Orqa paneldagi asosiy kamera iPhone dizaynini o‘zida takrorlaydi, biroq chaqnoq (vspishka) va obyektivning joylashuv o‘rni o‘zgacha. Pixel jamoasida bo‘lgan Sabrina Elisning aytishicha, foydalanuvchilar bu kabi chaqnoqni faqat fonar sifatida ishlatadi, chunki kamera shundoq ham yuqori tiniqlikka ega.
Suratga olish vaqtida smartfon bir vaqtning o‘zida to‘qqizta suratni oladi. Ikki barobar yaqinlashtiruvchi telefon-linzalari o‘rnatilgan Pixel 4/4 XI yordamida uzoq masofani ham suratga olish mumkin.
Shuningdek, Google “portret” rejimi haqida ham unutmagan va yulduzlarni suratga olish uchun yangi rejimni qo‘shgan — bir urinishdayoq surat sifatli chiqadi, biroq buning uchun smatfonni qimirlatmasdan turish kerak.
Kichik Pixel’ga 5,7 dyuymli Full HD+ displeyi o‘rnatilgan bo‘lsa, Pixel 4 XI esa 6,3 dyuymli Quad HD+ displeyga ega. Ekran Gorilla Glass 5 bilan himoyalangan.
Ikkala qurilmaga ham 8 yadroli Qualcomm Snapdragon 855 protsessori o‘rnatilgan. Tezkor xotirasi 6 gigabayt bo‘lib, ichki xotirasi 64/128 gigabaytga teng. Pixel 4’ga 2800 mA/soat, Pixel 4 XI’ga esa 3700 mA/soat akkumulyator o‘rnatilgan.
Pixel smartfonlarni oldindan buyurtma qilish 15-oktabrdan boshlangan. Google Pixel 4 6/64 GB qurilma 799 dollar, Pixel 4 XL 6/64 esa 899 dollardan sotilmoqda.
Izoh (0)