Тошкентда 7,5 млрд сўмдан ортиқ қарзини тўлаган корхонанинг биноси қайтарилди

Пойтахтнинг Яшнобод туманида корхонанинг банкдан 7,5 миллиард сўмдан ортиқ қарзи ундириб берилди. Бу ҳақда МИБ матбуот хизмати «Дарё»га хабар берди.

Тошкент туманлараро иқтисодий ижро варақасига асосан қарздор корхонадан ундирувчи АТБ «Асака банк» фойдасига жами 7 миллиард 590 миллион 947 сўм миқдорида қарз ундириш ҳақидаги ижро иши Мажбурий ижро бюросининг Яшнобод тумани бўлимига иш юритувига келиб тушган.

Олиб борилган мажбурий ижро ҳаракатлари давомида бўлим давлат ижрочилари томонидан қарздорга тегишли бўлган Тошкент шаҳар, Яшнобод тумани, Султонали Машҳадий кўчасидаги умуммий майдони 14 280 квадрат метрдан иборат бўлган ишлаб чиқариш ва маъмурий бино хатланиб банд солиниб, хатланган мулк «Э-ижро аукцион» ягона электрон савдо майдончасига сотиш учун чиқарилган.

Ижро ҳаракатлари даврида корхона томонидан банк фойдасига 7 миллиард 590 миллион 947 сўм миқдоридаги қарз тўлиқ ундириб берилган.