Ўзбекистон Олий Мажлис Сенати XXIII ялпи мажлисида 19 та қонун кўриб чиқилади. Бу ҳақда «Дарё» мухбири Мусулмонбек Иброҳимов хабар бермоқда.
Мажлис кун тартибига 31 та масала киритилган. Шундан 19 таси қонун бўлиб, жумладан, «Банклар ва банк фаолияти тўғрисида»ги, «Ўзбекистон Республикасининг Марказий банки тўғрисида»ги ва «Валютани тартибга солиш тўғрисида»ги қонунларнинг янги таҳрири кўриб чиқилади.
Шунингдек, тўловлар ва тўлов тизимлари, илм-фан ва илмий фаолият, она сути билан озиқлантиришни қўллаб-қувватлаш ҳамда гўдаклар ва кичик ёшдаги болалар озиқ-овқат маҳсулотларига доир талаблар ҳақидаги қонунларга мажлис кун тартибига олиб чиқилган.
«Маданий ифодаларнинг турли хил шаклларини муҳофаза қилиш ва қўллаб-қувватлаш тўғрисида»ги халқаро конвенция (Париж, 2005 йил 20 октябрь) ратификация қилиниши мумкин.
Вазирлар Маҳкамасига парламент сўровлари юборилиши ҳам кун тартибидан ўрин олган.
Изоҳ (0)