Имом Бухорий номидаги Тошкент ислом институти махсус сиртқи бўлим талабалари ўртасида «Таҳфизул-Қуръон» кафедраси ташаббуси билан Қуръони каримнинг «тиловат» (яъни Қуръонни тўғри, гўзал ва равон ўқиш) йўналишида Қуръон ва Азон мусобақаси ўтказилди. Бу ҳақда институт матбуот хизмати хабар берди.
Ўзбекистон Президентининг 2017 йили Самарқанд вилоятига ташрифи давомида берилган топшириқлар ва кенгайтирилган мажлис қарори ҳамда Бош вазирнинг 2017 йил 29 майдаги 08/1-856-сонли топшириқ хатига мувофиқ Тошкент Ислом институти махсус сиртқи бўлими 2017 йилидан илк бор ўз фаолиятини бошлаган эди.
Ушбу Азон мусобақаси институт миқёсида уч йилдан буён ўтказиб келинади. Мусобақани Тошкент ислом институти «Таҳфизул-Қуръон» кафедраси мудири Жаҳонгир қори Неъматов, «Таҳфизул-Қуръон» кафедраси ўқитувчилари Исломхон қори Убайдуллаев, Аҳмадхон қори Рашидов, Валихон қори Азимбоев, Жаҳонгир қори Рўзиев бошчилигидаги ҳакамлар ҳайъати баҳолаб борган.
Қуръон мусобақаси ғолиблари:
- 1-ўрин: Қурбаниязов Ўктам (701-гуруҳ);
- 2-ўрин: Якубов Музаффар (703-гуруҳ);
- 3-ўрин: Панжиев Жасур (702-гуруҳ).
- 1-ўрин: Мадгазиев Жамолиддин (703-гуруҳ);
- 2-ўрин: Холхўжаев Дилшоджон (702-гуруҳ);
- 3-ўрин: Абдуллаев Фозилжон (701-гуруҳ).
Таъкидлаш керакки, махсус сиртқи бўлим талабалари учун ҳар томонлама қулай шарт-шароитлар яратиб берилган. Уларга институтнинг юқори малакали, узоқ йиллик тажрибага эга бўлган профессор-ўқитувчилари дарс беришмоқда. Талабалар институт махсус фан ва ўқув аудиторияларидан, ахборот ресурс марказидаги дарсликлар, манба ва адабиётлардан, компьютер хоналаридан фойдаланишлари учун имкониятлар яратиб берилган. Махсус сиртқи бўлимни тугатган талабаларга диний олий маълумот даражасидаги Тошкент ислом институти дипломи берилади. Бугунги кунда махсус сиртқи бўлимида умумий 180 га яқин талабалар таҳсил олмоқда.
Изоҳ (0)